யாரிவள்..?

இருமுறை தீண்டினேன்
வேண்டுமா என்றாள்
"ஆம்" எனச் சொன்னேன்
நிபந்தனை விதித்தாள்
ஏற்றுக் கொண்டேன்
அடுத்தது அடுத்தது
தொடர்ந்து ஏற்றேன்
பெயர் ஊர் பிறப்பு
தொலைபேசி அலைபேசி
மின்னஞ்சல் என்ன
எல்லாம் கேட்டாள்
எல்லாம் கொடுத்து
அடுத்தது என்றேன்
மென்பொருள் நிறுவி
முடிந்தது என்றாள்....

அவளாகவே வந்தாள்

அவளாகவே வந்தாள்
ஆயிரமாயிரம் கதைசொன்னாள்
அழுதாள்.. சிரித்தாள்...
நீயில்லாத நான் இல்லையென்றாள்,
நான் அலையும் திசையெங்கிலும்
அலைபேசியில் அழைத்தாள்..
யாரோடு சென்றாய் என்பாள்
எனைவிட்டு சென்றாய் என்றாள்...
அன்றும் அழைத்தாள்
எங்குவரஎன்றேன்..
ஆங்கிலேயக் கடைசொல்லி
அங்குவாவென்றாள்
சென்றேன் நான்
அறிமுகம் செய்தாள்
இவர்தான்
"நான் கட்டிக்கப்போறவர்"
என்னையல்ல
அருகிருந்தவனை எனக்கு.